Popular Bible Verses from VHAEFESA 5

Share

Vhunga ni vhana vha funwaho vha Mudzimu, edzani Ene. Vhutshilo haṋu nga vhu langwe nga lufuno, sa zwe Khristo a ri funa a vhuya a kumedza vhutshilo hawe a tshi itela riṋe, zwa nga nduvho na tshiṱhavhelo tshi fhiswaho tshi takadzaho Mudzimu.

Zwenezwo sedzani kutshilele kwaṋu. Ni songo tshila sa matsilu, ni tshile sa vha na ṱhalukanyo. Ni songo tamba nga tshifhinga tshe Mudzimu a ni ṋea; maḓuvha o vhifha haano

Ni songo nwa na kambiwa ni sa ḓo ita zwa vhuḓabaḓaba; tshaṋu hu vhe u ḓala Muya Mukhethwa; imbelanani dziphisalema na nyimbo dza u renda Mudzimu na dzine na funzwa nga Muya; mbilu dzaṋu nga dzi rende Muṋe washu nga nyimbo na phisalema. Dzulani ni tshi livhuha Mudzimu Khotsi ni tshi humbula zwoṱhe zwe a ni itela, ni tshi mu livhuha nga dzina ḽa Muṋe washu Yesu Khristo.

ṱalifhani-ha ni luse u ḓivha zwine Muṋe washu a funa ni tshi ita, ni songo nga matsilu.

Na inwi vhanna funani vhasadzi vhaṋu unga Khristo o funa tshivhidzo a vhuya a tou tshi fela

Na inwi kale no vha ni tshi dzula swiswini; zwino nó no vha vha Muṋe washu no bvela tshedzani. Zwo ralo tshilani sa vha re tshedzani

Vhunga ni vha ofhaho Khristo, hulisanani, muṅwe na muṅwe a ḓiite muṱuku kha vhaṅwe.

Inwi vhasadzi ipfani vhanna vhaṋu unga ni tshi pfa Muṋe washu.

Ndi zwone: munna muṅwe na muṅwe kha a fune musadzi wawe unga ene muṋe, musadzi ene a hulise munna wawe.

Maṅwalo a tshi ṱanziela a ri, “Ndi zwine munna a ḓo ṱutshela khotsi awe na mme awe a vhofhekana na musadzi wawe, vhenevho vhavhili vha vho vha ṋama nthihi.”

Zwithu zwine vhathu vha ita zwi si na mushumo ni songo vhuya na vha khazwo; hezwo zwi itwa nga vha re swiswini, tshaṋu kha hu vhe u zwi bvisela khagala.