Popular Bible Verses from ହାନାୟି 35

Share

ଏଚେଟିଏ ମ଼ସା ଇସ୍ରାୟେଲ ଲ଼କୁଣି ଅ଼ଡ଼େ ଏଲେଇଚେସି, “ମେହ୍‌ଦୁ, ପ୍ରବୁ ଜୀହୁଦା କୂଡ଼ାତି ହୁର ତାଙ୍ଗା ମୀର୍‌ଏସି ଉରି ମୀର୍‌ଏସି ବସ୍‌ଚଲେଲଇଁ ଦ଼ରୁ ଆସାହାଁ ହା଼ଟାମାନେସି। ଇଞ୍ଜାଁ ଏ଼ୱାଣାକି ବୁଦି, ଜ୍ଞାନ, ପା଼ଟାତା ଅ଼ଡ଼େ ବାରେ କାମା ପୁନି ମାହାପୂରୁତି ଜୀୱୁତା ନେଞ୍ଜିକିହାଁ

ପତ୍‌ହାଲି ଅ଼ଡ଼େ ବମାୟାଁ କିହାଲି, ଇଞ୍ଜାଁ, ନୀଲି, ହେୟାଁ, ନେତେରି ୱା଼ଣା ଅ଼ଡ଼େ ଦବ୍‌ଲା ପା଼ତାଡ଼ା ଲୂଲୁ ତଲେ ହିମ୍ବରିକା ଆଲାଲି, ଇଚିହିଁ, ବାରେ କୂଡ଼ାତି କାମା ଅ଼ଡ଼େ ବମାୟାଁ ପତ୍‌ହାଁ କିହାଲି ଏ଼ୱାରି ମ଼ନତି ବୁଦିତା ନେଞ୍ଜି କିହାମାନେସି।”