Popular Bible Verses from LEFITIKO 19

Share

O se ka wa ipusolosetsa, le fa e le go nna ka pelo e e bosula ka ga bana ba batho ba gaeno; o rate wa gaeno jaaka o ithata; ke nna Jehofa.

Lo se ka lwa itshegakela baswi mebele ya lona, le fa e le go ikwala mmele ka gope, ke nna Jehofa.

“Bua le phuthego yotlhe ya bana ba Iseraele, o ba reye o re: Lo tlaa nna boitshepo, gonne nna Jehofa Modimo wa lona ke boitshepo.

“O se ka wa ila morwa rraago mo pelong ya gago; ruri go kgalemela wa gaeno, o tlaa mo kgalemela, o bo o sa rwale boleo ka ntlha ya gagwe.

“Se fapogeleng kwa go bone ba ba buang le badimo, le fa e le kwa go bone ba ba loang; lo se ka lwa ba batla go tla lo itshekololwa ke bone; ke nna Jehofa Modimo wa lona.

O se ka wa tsamaya tsamaya mo bathong ba gaeno o le motsamaisi wa ditshebo, le gone o se ka wa tsenya botshelo jwa wa gaeno mo pitlaganong; ke nna Jehofa.