Popular Bible Verses from Nth 18

Share

Kĩla mũndũ waneena nĩkĩtonya kũete kĩkw'ũ kana thayũ, ala mendete kũneena nĩmaye ũsyao wa ũneeni woo.

Ĩsyĩtwa ya Mwĩai Ngai nĩ ta mwako mũtũlu mũlũmu, mũndũ mũlũngalu asembea ĩsyĩtwa yĩu ethĩawa e ũsũvĩonĩ.

Mũndũ wĩ anyanyae aingĩ nũtonya kwanangwa nĩmo, ĩndĩ ve mũnyanya mũĩkĩĩku mbee wa mwana-a-inyia wa mũndũ.

Ũla ũmeasya kĩveti ameasya kĩndũ kĩseo, na nĩwonaa ũseo kuma kwa Mwĩai Ngai.

Kũsũngĩa ĩkũlyo mũndũ atanayĩw'a nesa, nĩ ũndũ wa ũtumanu na wĩ nthoni.

Ndia nĩmenete ũmanyi, ĩndĩ ĩtanaa yĩla ĩkũnengane mawoni mayo mwene.

Mũndũ atanamba kũkwatwa nĩ wanangĩko ngoonĩ, nĩwĩng'athĩlĩĩlasya, ĩndĩ wĩnyivyo ũtongoeasya ndaĩa.