Popular Bible Verses from Nth 16

Share

Nenga Mwĩai Ngai mawĩa maku, na mĩvango yaku ĩkaaĩla.

Mũndũ nĩwĩseũvĩasya mĩvango yake, ĩndĩ Mwĩai Ngai nĩwe ũmũtongoeasya maũndũnĩ ala wĩkaa.

Ndeto nzeo nĩ ta ĩwa ya ũkĩ wa nzũkĩ, nieteae mũndũ ũtanu na ũima mwĩĩnĩ.

Mũndũ nĩwĩseũvĩasya mĩvango yake mwene, ĩndĩ Mwĩai Ngai nĩwe ũnenganae ũtw'ĩo wa mũthya.

Mũndũ ũtathataa mĩtũkĩ e kavaa kwĩ mũndũ wĩ ũtonyi; na ũla ũtekasya ngoo e kavaa kwĩ ũla wũkitaa akakwata ndũa.

Ngathĩĩo itongoeasya mũndũ akalike wanangĩkonĩ, na veva wa wĩng'athĩlĩĩlyo ũtongoeasya mũndũ akavalũke.

Maũndũ onthe ala mũndũ wĩkaa ethĩawa ayona me maĩlu, ĩndĩ Mwĩai Ngai nũmanyaa maũndũ ala mũndũ ũsũanĩĩte.

Ũla wĩthukĩĩasya momanyĩsyo akaendeea nesa, na ũla ũĩkĩĩaa Mwĩai Ngai akeethĩawa na ũtanu.

Nĩ kavaa mũndũ kwĩthĩwa e na syĩndũ nini na ayĩthĩwa e mũlũngalu, kũte kwĩthĩwa na ũtandĩthyo mũnene ũkwatĩtwe kwa nzĩa ĩtaĩlĩte.

Ve nzĩa yonekaa nĩ mũndũ ĩilyĩ ta ya w'o, ĩndĩ mũminũkĩlyo wayo ĩtwaa mũndũ kĩkw'ũnĩ.

Mũndũ mũthũku nũtumaa andũ maemanwa, na ũla ũsukanaa nũtumaa andũ me ndũũ nene mataanĩsya.