Popular Bible Verses from Alo 3

Share

nĩkwĩthĩwa andũ onthe nĩmeekie naĩ na maivikĩaa ũkumyo wa Ngai. Ĩndĩ kwa mumo ũla ũnenganĩtwe mana nĩ Ngai, onthe nĩmatw'ĩkĩthaw'a alũngalu kwĩsĩla kwa Yesũ Klĩsto ũla ũmovoasya.

Ngai atw'ĩkĩthasya andũ kwĩthĩwa alũngalu kwa nzĩa ya kwĩthĩwa na mũĩkĩĩo nthĩnĩ wa Yesũ Klĩsto, na ũu nĩ kwa andũ onthe ala maĩkĩĩaa Klĩsto. Vai kĩvathũkany'o

Ngai amũnenganie ethĩwe nthembo, nĩ kana kwa kĩkw'ũ kyake, atw'ĩke nzĩa ĩla andũ kwa kũmũĩkĩĩa makaekeawa naĩ syoo. Ngai eekie ũu onany'e kana ekaa ũla waĩlu, nũndũ wũmĩĩsyonĩ wake, nĩwekalile oou ta ũtene naĩ ila andũ meekĩte navu tene. Ngai eekie ũu nĩ kana onany'e ĩvindanĩ yĩĩ tũĩ kana we ekaa ũla ũlũngalu, na nĩwe ũtusaa mũndũ ũla ũmũĩkĩĩaa Yesũ kwĩthĩwa e mũlũngalu.

Kwoou vai mũndũ ũkatw'ĩka mũlũngalu methonĩ ma Ngai, nũndũ wa kwĩthĩwa nĩwĩkaa ũndũ Mĩao ĩkwasya, nũndũ kĩla Mĩao yĩkaa nĩ kũtuma andũ mamanya naĩ nĩ myaũ.

Maandĩko Matheu maĩtye kana: “Vai mũndũ o na ũmwe mũlũngalu methonĩ ma Ngai. Vai ũmwe wĩ na ũmanyi, kana o na ũmũmanthaa Ngai. Andũ onthe nĩmamũtiĩte Ngai, onthe matw'ĩkĩte ma mana. Vai mũndũ o na ũmwe wĩkaa ũla ũseo.

Nĩkwĩthĩwa nĩtũkwona kana mũndũ atw'ĩkĩthaw'a mũlũngalu kwondũ wa kũĩkĩĩa, ĩndĩ ti ũndũ wa kwĩka ũndũ mĩao ĩkwasya.

Aiee, ti w'o! Ngai aneenaa w'o kĩla ĩvinda, o na kau andũ nĩ akengani. Maandĩko Matheu nĩmawetete ĩũlũ wa Ngai makasya, “Ndeto syaku ikoosawa kwĩthĩwa sya w'o yĩla waneena, na ũkasindaa ĩkoani yĩla ũũsila.”