Popular Bible Verses from EKEKIELI6 37

Share

Naende agantebia, “Banera amauga aya, oyatebie: Inwe amauga amomo, igwa ring’ana ri’Omonene! Aya naro Omonene Nyasae akobatebia inwe amauga: Rora, nimbeke omoika bw’obomoyo ime yaino, na inwe mobe moyo naende.

Nimbabekere emeki, mbabekere ne chinyama, nimbatube ne risankwa, naende mbautere omoika bw’obomoyo, na inwe mobe moyo naende. Erio nario moramanye ng’a inche ninche Omonene.”

Erio akamboria, “Aye mwanyabanto, amauga aya nanyare koba moyo?” Nkairaneria, nkamotebia: “Aye Omonene Nyasae, naye omanyete.”

Okoboko kw’Omonene kogacha igoro yane, na Omonene akang’ira goetera ase Omoika oye, akambeka ase egati ye rikura riaichire amauga. Akang’etia ase egati y’amauga aria, nkarora ng’a nigo arenge amange mono ase rikura riria, naende nkarora ng’a nigo arenge amomo pa.

Ase ayio nkabana buna Omonene anchigete: na ekero nagendererete kobana, nkaigwa eriogi rinene riarenge negetitiro; amauga ayio agacha amo, riuga rikabwatana neriuga riamwabo. Ekero narigereretie, nkarora emeki egacha igoro y’amauga aria, ne chinyama chikaba ase emeki, ne risankwa rikabituba, korende omoika torenge ime yabo.