Popular Bible Verses from निर्गमन 9

Share

पन सच़्च़े मीं, तू एस वजाई सेइं ज़ींतो रखोरोस कि तीं अवं अपनि शक्ति हेरेईं, ते अपनु नवं सैरी धेरती पुड़ मुशूर केरि।

फिरी यहोवा परमेशरे मूसे सेइं ज़ोवं, “फ़िरौने कां गेइतां ज़ो, ‘इब्रि लोकां केरो परमेशर यहोवा तीं सेइं इन ज़ोते, कि मेरे लोकन गाने दे, कि तैना मेरी आराधना केरन।

मीं त हुन्ना तगर अपनो हथ अग्रोवं रेखतां तू ते तेरे लोक मरी सेइं मारोरे भोथे; ते धेरती पुड़ तेरो सत्यानाश कियोरो भोथो

त शुन तेरे ज़ैना घोड़े, गधे, ऊँट, गोरू-गब्बां ते सारे जानबर ज़ैना मैइदाने मां आन, तैन पुड़ यहोवारो हथ एरहो पेलो कि बड़ी मरी पेली, पन यहोवा, इस्राएली लोकां केरे जानबरन मां ते मिस्री लोकां केरे जानबरन मां एरहो फर्क केरेलो, कि ज़ैना इस्राएली लोकां केरे जानबर भोल्हे तैन मरां कोई भी न मरेलो।’”

एल्हेरेलेइ शुन कालां अवं इस्से मौके बड़ी-बड़ी आण बखेइलो, ज़ेसेरी ज़ेरि मिस्र मुल्खे मां शुरू करां अज़ तगर कधी नईं पेवरी। एल्हेरेलेइ हुनी लोकन भेज़तां अपने जानबरन ते उडारे मां ज़ैन किछ तेरूए सेब्भन जल्दी छ़ुपा, नईं त ज़ेत्रे मैन्हु ते जानबर उडारे मां राले, ते घरे मां अकोट्ठे न भोल्हे; तैन पुड़ आण बखनीए, ते तैना मेरि गानेन।’”

फिरी तै खुशक धूड़ भोइतां सारे मिस्र मुल्खेरे रानेबाले मैन्हन ते तैन केरे सेब्भी जानबरन पुड़ शेले ते खराड़ां बेनि गालां।” एल्हेरेलेइ तैना भेट्ठरी मांज़न नेइतां फ़िरौनेरे सामने खड़ो भोए, फिरी मूसे तै मांज़न आसमाने जो उडारी, ते तै मैन्हन ते जानबरन पुड़ शेले ते खराड़ां बेनि जेई।