Popular Bible Verses from निर्गमन 8

Share

पन जैदूगिरेइं बड़ी कोशिश की, कि अपने जैदेइं सेइं जिवाँ बनान, पन न बनेई बटे। ते मैन्हन पुड़ ते जानबरन पुड़ जिवाँ बेनोरी रेइ। तैखन जैदूगिरेइं फ़िरौने सेइं ज़ोवं, “एन परमेशरेरे हथ्थेरू कम्मे।” पन ज़ेन्च़रे यहोवा ज़ोवरू थियूं फ़िरौनेरो दिल सखत भोइ जेव; तैनी मूसा ते हारूनेरी गल न मन्नी।

तैखन यहोवा, मूसे सेइं ज़ोवं, “फ़िरौने कां गेइतां तैस सेइं ज़ो, यहोवा इन ज़ोते, कि मेरे लोकन गाने दे, ताके तैना मेरी आराधना केरन।

पन फ़िरौने ज़ैखन हेरू कि मैंडन करां छुट्टी जे, त तैनी अपनो दिल सखत कियो, ज़ेन्च़रे यहोवा ज़ोवरू थियूं; तैनी तैन केरि न शुनी।

पन अगर तू तैन गाने न देलो त हेर, अवं तेरे मुल्खे मां मैंडू भेज़तां नुकसान पुज़ाने बालोईं।

फिरी यहोवाए मूसे सेइं ज़ोवं, “हारूने हुक्म दे, ‘तू अपनि सोटी नेइतां तल्‍लेरी धूड़ी पुड़ बह, ताके तै धूड़ सारे मिस्र मुल्खे मां जिवाँ बेनि गान।’”

ते यहोवा एन्च़रे कियूं, ते फ़िरौनेरे घरे मां ते तैसेरे अधिकैरी केरे घरन मां ते सैरी मिस्र मुल्खे मां डांघालां केरे घाने सेइं मुल्ख नाश भोइ जेव।