Popular Bible Verses from निर्गमन 6

Share

एल्हेरेलेइ तू इस्राएली लोकन सेइं ज़ो, अवं यहोवा आईं; ते अवं तुसन मिस्री लोकां केरे भारन करां छुटेइलो; ते अवं तुसन तैन केरि गुलैमी करां आज़ाद केरेलो, ते अवं अपने हथ्थे सेइं तैन बड़ी भारी सज़ाह देइतां तुसन गुलैमी करां आज़ाद केरेलो।

ते अवं तुसन अपने लोक बनेइलो, ते अवं तुश्शो परमेशर भोल्हो, ते तुस ज़ानेले कि अव्वें यहोवा तुश्शो परमेशर आईं; ज़ैने तुस मिस्री लोकां केरे भारन हेठोरां केढतां आनोरेथ।

ते अवं तुसन तैस मुल्खे मां नेइलो ज़ैस मां तुश्शे बुज़ुर्ग अब्राहम, इसहाक ते याकूबे देनेरी कसम मीं खेवरी थी, तै तुश्शी मलकीत भोल्ही। अवं यहोवा आईं।” ते मूसे इस्राएली लोकन एना गल्‍लां शुनेई, पन तैनेईं दिलेरे दुखे सेइं ते सखत गुलैमरे वजाई सेइं मूसेरी गल न शुनी।

तैखन यहोवा मूसे सेइं ज़ोवं, “हुनी तू हेरेलो कि अवं फ़िरौने सेइं कुन केरेलो; तैखन तै शेक्तिबाले हथ्थेरे ज़िरिये सेइं तैन गाने देलो; ते मेरे शेक्तिबाले हथ्थेरे ज़िरिये सेइं तै तैन अपने मुल्खे मरां कढेलो।”