Popular Bible Verses from निर्गमन 2

Share

ते परमेशरे तैन केरू करलानू शुन्तां अपनो करार याद कियो, ज़ै तैनी अब्राहम, इसहाके ते याकूबे सेइं कियोरो थियो। ते परमेशरे इस्राएली लोकन पुड़ नज़र केरतां तैन पुड़ ध्यान दित्तू।

किछ सालां केरे बाद एरू भोवं कि मिस्रेरो राज़ो मेरि जेव, तैखन इस्राएली लोक सखत कम्मां केरे वजाई सेइं करलाने, ते चिन्डां मारने लगे, ते तैन केरि बिनती परमेशरे कां पुज़्ज़ी ज़ै सखत कम्मां केरे वजाई सेइं थी।

ज़ैखन तै बच्‍चो थोड़ो बड्डो भोव त तैसां तै फ़िरौनेरी कुइये कां पुज़व, तैखन तैन तैसारू मट्ठू बनू, तैसां तैसेरू नवं मूसा एन ज़ोइतां रख्खू कि, “मीं एन पैनी मरां कढेरू थियूं।”

तैस बच्‍चेरी अम्मा एजनेरे बाद फ़िरौनेरी कुइयां तैस सेइं ज़ोवं, “तू इस मट्ठे नेइतां दुद्ध पीया अवं तेरी मज़दूरी तीं देइली।” तैखन तै कौन्श तैस बच्‍चे नेइतां दुद्ध पियाने लगी।

तैखन तैसां हेरू कि फ़िरौनेरी कुई दरियाए पुड़ निहाने अई ते तैसारी सहेली दरियारे बन्ने-बन्ने हंठने लेगि, ज़ैखन तैसां झ़ैल्‍लन मां टोकरी लाही ते तैसां अपनि सहेली भेज़ी कि गाथ एस टोकरी इरां आनां।

ज़ैखन मूसा जुवान भोव त एक्सां मेहलेरे बेइर निस्सो ते अपने लोकन कां जेव, ते तैन केरि मुसीबती पुड़ तैने नज़र की, तैनी हेरू कि अक मिस्री तैसेरे इब्रानी ढ्लाए मारने लग्गोरोए। फिरी मूसे इरां उरां तक्‍कू ते ज़ैखन हेरू कि कोई होरो मैन्हु नईं त तैनी तै मिस्री मारो ते तैसेरी लाश रेती मां छ़ुपेइतां छ़डी।