Popular Bible Verses from यशायाह 6

Share

फेर मन्‍नै प्रभु का यो वचन सुण्या, “मै किसनै भेज्जूँ, अर म्हारी और तै कौण जावैगा?” फेर मन्‍नै जवाब दिया, “मै उरै सूं! मेरे ताहीं भेज।”

अर वे एक दुसरे तै पुकार-पुकारकै गाण लागरे थे: “सेनाओं का यहोवा पवित्र, पवित्र, पवित्र सै; सारी धरती उसके तेज तै भरपूर सै।”

फेर मन्‍नै रो-रोकै कह्या, “हाय! हाय! मै नाश होया; क्यूँके मै अशुद्ध होठ आळा माणस सूं, अर अशुद्ध होठ आळे माणसां कै बीच म्ह रहूँ सूं; क्यूँके मन्‍नै सेनाओं के यहोवा महाराजाधिराज ताहीं अपणी आँख्यां तै देख्या सै!”

जिस साल यहूदा का राजा उज्जियाह मरया, मन्‍नै प्रभु ताहीं भोत-ए ऊँच्‍चे सिंहासन पै विराजमान देख्या; अर उसके कपड़े के घेर तै मन्दर भरग्या।

उसनै उस ताहीं मेरे मुँह तै छुआ कै कह्या, “देख, इसनै तेरे होठां ताहीं छू लिया सै, इस करकै तेरा अधर्म दूर होग्या अर तेरे पाप माफ होगे।”

उसतै ऊँच्‍चे पै साराप (स्वर्गदूत) दिखाई दिए; उनके छः-छः पंख थे; दो पंखां तै वे अपणे मुँह नै ढके होए थे अर दो तै अपणे पैरां नै, अर दो तै उड़ण लागरे थे।

फेर एक साराप (स्वर्गदूत) हाथ म्ह अंगारा लिये होए, जिस ताहीं उसनै चिमटे तै वेदी पै तै ठा लिया था, मेरे धोरै उड़ कै आया।

उसनै कह्या, “जा, अर इन माणसां तै कह, ‘सुणदे ए रहो, पर ना समझो; देखदे ए रहो, पर ना बुझ्झो।’

फेर उसनै मेरे ताहीं कह्या, तू इन माणसां के मन नै मोट्टे अर उनके कान्‍नां नै भारी कर, अर उनकी आँख्यां नै बन्द कर; इसा ना हो के वे आँख तै देक्खै, अर कान्‍नां तै सुणै, अर मन तै बुझ्झै, अर मन फिरावै अर चंगे हो जावैं।”