Popular Bible Verses from व्यवस्थाविवरण 7

Share

इस करकै जाण ले के तेरा परमेसवर यहोवा ए परमेसवर सै, वो भरोसेमन्द परमेसवर सै; जो उसतै प्यार राक्खै सै अर उसका हुकम मान्‍नैं सै उनकै गेल्या वो हजार पीढ़ी ताहीं अपणे करार का पालन करदा, अर उनपै करुणा करदा रहवै सै

क्यूँके तू अपणे परमेसवर यहोवा की पवित्र प्रजा सै; यहोवा नै धरती भर के सारे देशां के माणसां म्ह तै तेरै ताहीं छाँट लिया सै के तू उसकी प्रजा अर उसका खुद का हिस्सा ठहरै।

यहोवा नै जो थारै ताहीं बलवन्त हाथ कै जरिये गुलाम्मी के घर म्ह तै, अर मिस्र देश कै राजा फिरौन कै हाथ तै छुड़ाकै लिकाड़ ल्याया, इसका योए कारण सै के वो थारै तै प्यार करै सै, अर उस कसम नै भी पूरी करणा चाहवै सै जो उसनै थारै पूर्वजां तै खाई थी।

यहोवा नै जो थारै तै प्यार करकै थारै ताहीं चुण लिया, इसका कारण या कोनी था के थम गिणती म्ह अर सारे देशां के माणसां तै घणे थे, बल्के थम तो सारे देशां के माणसां की गिणती म्ह थोड़े थे

तू सारे देशां के माणसां तै घणा धन्य होवैगा; तेरै बिचाळै ना आदमी ना जनान्‍नी बेबस होवैगी, अर तेरे डान्गरां म्ह भी इसा कोए न्ही होवैगा।