Popular Bible Verses from व्यवस्थाविवरण 10

Share

“इब, हे इस्राएल, तेरा परमेसवर यहोवा तेरै तै इसकै सिवा और के चाहवै सै, के तू अपणे परमेसवर यहोवा का भय मान्‍नै, अर उसके सारे रास्तयां पै चाल्‍लै, उसतै प्यार राक्खै, अर अपणे पूरे मन अर अपणे सारे जी तै उसकी सेवा करै अर यहोवा के जो-जो हुकम अर विधि मै आज तन्‍नै सुणाऊँ सूं उन ताहीं अपणावै, जिसतै तेरा भला हो?

क्यूँके थारा परमेसवर यहोवा वोए ईश्‍वरां का परमेसवर अर प्रभुआं का प्रभु सै, वो महान् पराक्रमी अर भययोग्य परमेसवर सै, जो किसे का पक्षपात न्ही करदा अर ना घूस लेवै सै।

इस करकै अपणे-अपणे मन का खतना करो, अर आग्गै ताहीं जिद्दी ना रहो।

वो अनाथां अर बिधवा का न्याय चुकावै, अर परदेशियाँ तै इसा प्यार करै सै के उननै खाणा अर कपड़े देवै सै।

वोए थारी स्तुति कै जोग्गा सै; अर वोए थारा परमेसवर सै, जिसनै तेरै गेल्या वे बड़े महानता कै अर भयानक काम करे सैं, जिन ताहीं तन्‍नै अपणी आँखां तै देख्या सै।

अपणे परमेसवर यहोवा का भय मानियो; उस्से की सेवा करियो अर उस्से तै लिपटे रहियो, अर उस्से कै नाम की कसम खाईयों।

सुण, सुर्ग अर सबतै ऊँच्‍चा सुर्ग भी, अर धरती अर उस म्ह जो कुछ सै, वो सारा तेरे परमेसवर यहोवा का ए सै

इस करकै थम भी परदेशियाँ तै प्यार भाव राखियो; क्यूँके थम भी मिस्र देश म्ह परदेशी थे।