Popular Bible Verses from Roma 13

Share

Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Tioo kamu mautang sapake' mangé a sé tou, taan aweso taré en utang iow itu utang i meupu-upusan a si esa wo sé walina. Ampa'paan si séike' e mengaupus sé kakélé tou, sia iméma'o im perénta-perénta an ukum Torat.

Pakasa en tou musti le'tek a sé pemerénta. Ampa'paan ra'ica wana pemerénta sé ra'ica winéan hak i Amang Kasuruan e merénta. Wo pakasa sé pemerénta aitantu i Amang Kasuruan.

Em bengi tawio lumangkoi wo ra'io uré mandoo. Ampa'paano in itu mayoo tela'u waya sé léwo' tanu im pengaémaan é tou menonou ang kariréimbengan, wo timboiano em pakakas ipaperang ang kasendotan.

Si tou mengaupus sé kakélé tou, ra'ica mengaéma' in léwo' a sé kakélé tou. Anaé, si tou mengaupus sé kakéléna tou, niéma'nao em perénta-perénta an ukum Torat.

Ampa'paan in ituo wérano sapa si patus wéran iow a sé pakasa in tou. Wérano mangé em pajak a sé pemerénta sa kamu musti mér im pajak, wo wérano mangé en cukai sa kamu musti mér in cukai. Wo pengalingan angé sé tou sé patus pengalingan iow, wo pengasiriin angé sé tou sé patus pengasiriin iow.