Popular Bible Verses from Yakobus 1

Share

Poo-poowku! Sa kamu meta'up i membam-balinaan pangepé'- an, terimano mangé waya en itu ang karapi in arui en até. Ampa'paan kailekan iow sa kamu tatap maéman a si Casuruan an tutuw iow meta'up i membam-balinaan pangepé'an, en itu méma' oka icamu makale'tek maéman.

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Kamu kasake' le'tek maéman tanu siitu wosama' em paémanen iow wutu-wutul makaketer wo makaleke-lekep wo ra'ica imaina' sapa-sapa.

Tioo kamu asaloke' mengalinga in Taar i Casuruan, taan musti pengaémaan iow. Sa en Taar itu ra'ica pengaémaan iow, en itu meputéke' kamu imuwako in owak iow in esa.

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Pakasa sé loor wo lekep, mai an dangka' owo, asi Amang an sorga. Siao e méma' waya sé mengasendot an langit. Sia ra'ica kawisa mawalina, ra'ica tanu in serap wo sé sumesendot, en sendotna ro'na mawalina.

Si tou asaloke' iluminga in Taar i Casuruan taan ra'ica pengaémaanna, sia itu tanuoka si tou ruma'da ing giona an dior in cermin, kumawusai sia ruma'da ing giona wo itumela'u in cermin itu, ailupanao tambisa eng giona.

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

Sa awéan tou makéré im pangepé'an, tioo cuana, “Si Amang Kasuruano e méé mai im pangepé'an a yaku!” Ampa'paan si Casuruan ra'ica kapangépé'an in léwo' wo Sia ka'i ra'ica kawisa mangepé' a sé tou. Sa awéan tou katawéran maéma' in léwo', en itu ampa'paan sia kumiit ing kasalé'anna in esa mengaéma' in léwo'.

Si poow lengéi esa paémanen a si Yesus, sia itu musti tumirayo sa sia irangka' i Casuruan.