Popular Bible Verses from Mateo 16

Share

Na pati loa Sesu ki ana tisipulo : Ko leia e fia muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

E kau tuku loa kiate koe a kalavi o le puleaga o Selo : Ko le nea leia e ke sai loa i le kele e sai loa i le atu lagi, ti ko le nea leia e ke tatala loa i le kele e tatala loa i le atu lagi.

Talie ko leia e fia saofaki ia lona mauli e fakapuli noa ia loa a ia, kae ko leia e fakapuli noa ia loa lona mauli o tupu ko au e toe maua ia loa a ia.

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Na pati loa a ia kia latou : Kae ko koutou, e kotou pati ko ai au ? Na tali loa Simone Petelo : Ko le Kilisito a koe, ko le Alo o le Atua mauli.

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.