Popular Bible Verses from Mateo 13

Share

Ko leia na tali ia le fakaili i le kele malie, ko leia e logo ki le folafola ti e matala ki ai ; e fua a ia, ti e fua se fa fuai fakaili e tasi o kau lelau, ti ko se tasi o kau ono, ti ko se tasi o kau tolu.

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Ka logo se tagata ki le folafola o le Puleaga kae e leaise matala a ia ki ai, e au le pule veli o too le nea leia na muluki i lona loto : Ko le tagata lena leia na tali ia le fakaili i tafatafa o le ala.

Ko leia na tali ia le fakaili i ganea fatufatua, ko leia e logo ki le folafola, ti e tali fakafiafia ia a ia. Kae e leaise maua e ia ni aka iate ia totonu, ti e leaise kataki fualoa a ia, ti ka soko mai fai se fakafesagai pe ko se fakaveliveli o tupu ko le folafola, e maua e ia i ai se faigamalie ke siga.

E toe fakatatau foki le Puleaga o le atu lagi ki se koloa leia na fufu i se faigasaga. Ko le tagata leia na maua ia a ia e toe fufu ia a ia ; ti e i lona fiafia, e ano loa a ia o fakatau ana nea fuli ala na maua e ia, ke totogi ai le faigasaga lena.

Na maluku loa se tasi a potu ki le kele malie : Na fua a ia, o taki kau lelau a iki, ti taki kau ono a iki, ti taki kau tolu a iki.

Kotou tuku ke la sosomo fakatasi o kaku ki le temi leia e la matutua ai, ti, i le temi tuuti o le fulumeto, e kau pati loa ki le kau tagata gaoi : Kotou taaki mua le sisania, o fui a ia ke tutu, kae kotou tanaki le fulumeto ki loku fata.