Popular Bible Verses from Lua tosi ki le kau Kolinto 1

Share

Ke fakafetai ki le Atua, le Tamana o lotatou Aliki ko Sesu-Kilisito, le Tamana o manavaalofa ti mo le Atua o fakafimalie fuli, leia e fakafimalie ia maua i oma mamae fuli, o tupu ke ma mafai ia le toe fakafimalie o latou ala e nonofo i mamae, ki le fakafimalie leia na fakafimalie ai maua e le Atua !

Talie kapau e lasi mamae o Kilisito ia maua, e toe lasi foki loma fakafimalie ia Kilisito.

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua, leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Ti kapau e ma mamae, e tupu ke kotou maua le fakafimalie mo le fakamauli ; ti kapau e ma maua le fakafimalie, e tupu ke kotou maua le fakafimalie, leia e fakaliliu ia koutou o makeke ki le tali mo le kataki o mamae ala e ma tali ia.