Popular Bible Verses from 1 Korintus 3

Share

Kam tau to kalo kam smua tu Ruma Allah, trus Roh Allah tinggal di dalam kam?

Karna trada orang yang bisa taru fondasi lain lagi, hanya fondasi itu saja, fondasi itu tu Yesus Kristus sendiri.

Itu jadi, yang penting tu bukan yang tanam ato yang siram, tapi Allah yang kas tumbu.

Karna tong dua sama-sama kerja untuk Allah, kam tu Allah pu kebun, Allah pu bangunan juga.

satu waktu nanti masing-masing orang pu hasil kerja pasti kliatan, karna di hari trakir itu pasti jadi jlas. Karna di hari itu tu masing-masing orang pu hasil kerja nanti dapa uji deng api.

Mo yang tanam ka, mo yang siram ka, itu sama saja, masing-masing pasti trima de pu bagian sperti yang de su kerja.

Jang ada orang yang tipu de pu diri sendiri suda. Kalo di antara kam ada orang yang anggap de pintar mnurut dunia ini pu cara ukur, biar de jadi bodok suda, supaya de pintar betul-betul.