Popular Bible Verses from Hebreos 13

Share

Ma' a yaabiltique'ex le taakino'; qui'imacchajac a wóole'ex yéetel le ba'ax yaan te'exo', tumen Kue' u ya'almaj: Mix bikin quin in p'atech mix quin in xúump'atech.

Jesucristoe' láili' leti' jo'ol je'ac, bejela'e' yéetel mantadz.

Bey túuno' c páajtal c a'alic yéetel kub óolal: Yuumtzil máax áantiquen; ma' tin ch'a'ic sajaquil ti' ba'ax cu páajtal u beetic teen máac.

Yéetel ma' u tu'ubul te'ex a beetique'ex utz yéetel a paaclan áanticaba'ex; tumen lelo'oba' leti' le siibalo'ob utz tu t'aan Kuo'.

Le o'olale' unaj c qui'iqui' t'antic mantadz ku tu yo'olal Jesucristo. Le qui'iqui' t'aana' leti' le siibal unaj dzáico'. ¡Co'ox túun qui'iqui' t'antic u kaaba' yéetel c chi'!

Tuláacal ca u tziquilt le dzo'ocol beelo', yéetel ca u canant u nupicuba'ob ich quili'ichil le máaxo'ob dzoca'an u beelo'obo'; tumen Kue' bíin u p'is óolt le máaxo'ob cu nupkebano'obo' quex dzoca'an u beelo'ob, wa quex ma' dzoca'an u beelo'obi'.

Ma' u tu'ubul te'ex a kamique'ex ma'alob le máaxo'ob cu kuchulo'ob ta wotoche'exo', tumen tu yo'olal lela' yaan dze'edzec dzo'oc u kamico'ob ángelo'ob quex ma' tu yojéeltjo'obi'.

U Kuil jéedzel óolal, máax tu ca'a púut cuxquintaj c Yuumtzil Jesucristo, le u nojoch aj canan taman le j tamano'obo', tu yo'olal u ki'ikel le nup t'aan mina'an u xuulo', ca u nu'ucte'ex ma'alob u ti'al tuláacal utzil meyaj, u ti'al ca a beete'ex ba'ax u káat leti'; yéetel ca u beet leti' ti' tuláacalo'one' le ba'ax utz tu t'aane' tu yo'olal Jesucristo. ¡Nojbe'enil ti' Cristo u ti'al kiino'ob mina'an u xuul! Amén.