Popular Bible Verses from Hebreos 12

Share

Le o'olal to'one', tumen bakpachta'ano'on tumen ya'ab máaxo'ob dzo'oc u ye'esico'ob u yocsaj óolalo'obe', co'ox p'atic jun tzéelil le ba'axo'ob katic c beelo', yéetel le keban cu wo'oltico'ono', ca c áalcabt yéetel chuca'an óolal le bej yaan táanil to'ono'. Co'ox dzáic c paacat ti' Jesús, ti' máax cu taal c ocsaj óolal yéetel máax cu yutzil chuca'ancuntic. Jesuse' j mukyajnaj ti' le cruzo', ma' tu beetaj u cuentail wa subtzil u quíimil máac beyo', tumen u yojele' cu dzo'ocol u mukyaje' yaan u yantal qui'imac óolal ti'; cu dzo'ocole' ca j culaj tu x no'oj u trono Ku.

U jaajile' mix jun p'éel jaadz utz t t'aan ti' le jun súutuc táan c kamico', ba'axe' cu yaatal to'on; ba'ale' le máaxo'ob cu canbalo'ob yéetel le jaadzo', cu dzo'ocole' cu yantal ti'ob jun p'éel toj yéetel jéedzel cuxtal.

Il a wile'ex u yantal te'ex jéedzel óolal yéetel tuláacal máac, iquil a bisique'ex jun p'éel quili'ich cuxtal; tumen x ma' quili'iche' mix máac cun páajtal u yilic Yuumtzil.

Dzáa a tuucule'ex túun ti' Jesús, máax tu mukyajtaj jach ya'ab ch'a'a p'ectajil tu kab le j keban máaco'obo'; le o'olale' ma' a ca'anle'ex mix u lúubul a wóole'ex.

Le ajawil cu dzáic to'on Kuo' ma' táan u páajtal u máan. Co'ox dzáic nib óolal tu yo'olal lela', yéetel co'ox kultic Ku je'el bix utz tu t'ano': yéetel c pucsi'ikal bey xan yéetel cabal óolal

Mukyajte'ex le jaadzo', tumen Kue' táan u táan óoltique'ex beye'ex u paalalo'obe', ¿yaan wa paal ma' táan u tojququinta'al tumen u taata?

tumen c Kue' káak cu xu'ulsaj.

C taataob way yóokol le lu'uma' cu tojquintico'ono'ob u ti'al le cóomcom cuxtala', je'el bix tu tucultajo'ob ma'alobe'; ba'ale' Kue' cu tojquintico'on u ti'al c jaajil utzil, u ti'al u quili'ichcuntico'on je'el bix leti' quili'icho'.

Tumen te'exe' ma' kuchuque'ex tac ti' quíimil ti' a ba'atele'ex tu contra le kebano'.