Popular Bible Verses from Hebreos 10

Share

Ma'unaj c queticbáa yéetel le máaxo'ob suuc ti'ob ma' u taalo'ob j much'tal t éeteli', ba'ale' unaj c líik óolticbáa tbaatzil, asab unaj c beetic bele' tumen táan a wilique'ex unáadzal u kiinil Yuumtzil.

Yéetel unaj c caxantic bix je'el u páajtal c áanticbáa t baatzile' u ti'al ca yanac to'on yaacunaj yéetel u ti'al c beetic ba'ax utz.

Co'ox p'áatal jeedzel ti' u alab óolalil c ocsaj óolal, ma' u kéexel c óol, tumen chuca'an u yóol le máax tu dzáa u t'aan ti' to'ono'.

Te'exe' kabéet u chúucpajal a wóole'ex u ti'al a beetique'ex ba'ax u káat Ku u ti'al a kamique'ex beyo' le ba'ax u ya'almaj te'exo'.

le o'olale' unaj c nadzicbáa ti' Ku yéetel u jaajil yóol c pucsi'ikal bey xan yéetel jun p'éel ocsaj óolal jach jeedzel; p'o'an c pucsi'ikal ti' kaakas tuucul bey xan c wíinclile' p'o'an yéetel ma'alob ja'.

Ma' u sa'atal túun a kub óolale'ex, tumen le kub óolalo' bíin u taas te'ex jun p'éel nojoch bo'ol.

Tumen wa tu juunal c óol táan c kebanchajal cu dzo'ocol c kamic u kaj óolalil le jaajo', mina'an u láak quiimsbil siibal tu yo'olal le kebano'obo'. Chéen cu p'áatal to'on u jak óolil le p'is óolo' yéetel le choco káak bíin u xu'uls u aj p'eeco'ob Kuo'.