Popular Bible Verses from Isaías 55

Share

DIOS YAYAM nin: <<Yarpaynïqa manam qamkunapa yarpaynikikunanötsu. Ruraynïkunapis manam qamkunapa ruraynikikunanötsu.

Kay patsapita mas altuchö ciëlu kanqannömi ruranqäkunapis qamkuna rurayanqaykipita mas alli. Yarpanqäkunapis qamkunapa yarpaynikikunapita mas allim.

Kawayanqaykiyaq DIOS YAYATA ashiyay. Llakipäyäshunqaykiyaq rugakuyay.

Jutsa rurayanqaykita dëjayay. Manakaqkunapaq yarpachakuyanqaykipa rantin DIOS YAYAMAN kutiyay. Diosnintsik karmi llakipäyäshunki. Paymi imaypis perdonayäshunki.

Dios Yayam nin: <<Yakunaqkuna, yaku upyaq llapayki shayämuy. Mikuyta rantiyänaykipaq qellaynikikuna mana kaptinpis mikuq shayämuy. Vïnuta y lichita dembaldilla apayänaykipaq shayämuy.

<<Ciëlupita tamyamur y rashtamurpis manam altupa kutintsu. Tsaypa rantinmi allpata oqutsir murupakushqakuna alli wayunanpaq wiñatsimun. Tsaynöpam muruyänanpaqpis muru kan. Mikuyänanpaqpis mikuy kan. Palabräpis tamyanömi kaykan. Mandamuptïmi imaypis munanqänö ruran. Manam manakaqllapaqtsu maymanpis chätsï.

<<Qamkunam maypa aywarpis kushishqa kawayanki. Jirkakunawan lömakunapis rikäyäshurnikim kushishqa cantayanqa. Llapan jachakunam rämankunata kushikur kuyutsiyanqa.

<<Wiyayämar noqaman shayämuy. Niyanqaqta cäsuyämarqa allim kawakuyanki. Rey Davidta kuyar prometinqäta cumplirmi yanapayänaqpaq pactuta rurashun. Tsay pactutam imaypis cumplishaq.