Popular Bible Verses from Eclesiastés 9

Share

Tsaymi llapan imaykatapis kushishqa ruranki. Wañuskirqa manam ni imata rurankinatsu, yachankinatsu ni musyankinatsu.

Kay patsachö ima masta rikanqäta kanan willashayki. Allish cörriqpis llallinakuychö manam siempritsu gänan. Mas kallpasapa karpis guërrachö manam siempritsu vencin. Mas tantiyakuqpis manam siempritsu imaykayuq. Mas alli yarpayyuqpis manam siempritsu mas qellayta gänan. Mas yachayyuq karpis manam siempritsu kuyashqa. Llapantsikpam alli o mana allipis suertintsik.

Kay patsachö Dios Yaya qaramanqantsik kaway päsaqlla kaykaptinqa warmikiwan kuyanakur waran waran kushishqa kawakunki. Tsaynö kawanqaykim päguyki kaykan kay patsachö alläpa ñakar arunqaykipita.

Tsaynö kaykaptinqa kawanqaykiyaq mikuyta kushishqa mikunki y vïnuta kushishqa upyanki. Tsaynö ruranqaykim Dios Yaya munanqannö.

Alli armapitapis yachayyuq kaymi mas alli. Peru imallatapis pantashqam sïqa llapanpis mana alli tikran.

Mana yachayyuq mandakuq runa jinchi parlanqanpitam mas alli yachayyuq runa yachayllapa parlanqan.

Wañunapaq kanqantaqa llapantsikmi musyantsik. Peru wañuskirqa imatapis manam musyashunnatsu ni munashunnatsu. Wañuskishqaqa manam pipis yarpämäshunnatsu.