Popular Bible Verses from EKSODOS 9

Share

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

Ynda kumta, U TRAI u la ong ha u Moses, “To leit ha u Pharaoh, to ïathuh ruh ha u, ‘Kumne u ong U TRAI U Blei ki Hebru: “To pyllait noh ïa u paidbah jong nga, ba kin ïoh shakri ïa nga.

Naba lada nga la lah kner ïa la ka kti, bad shoh ïa me bad ïa ki briew jong me da ka jingïapthem, te ïa me la lah ot noh na ka pyrthei

ha khmih, ka kti U TRAI kan long halor ki jingri jong me kiba ha ka lyngkha, halor ki kulai, halor ki kadda, halor ki ut, halor ki masi de, bad halor ki langbrot ruh: kan wan ka jingïapkhlam ki mrad kaba jur eh. U TRAI ruh un pynïapher ïa ki jingri jong ki Israel bad ki jingri ka ri Ijipt; ba kan ym ïap kaei kaei ruh em kaba dei ka jong ki khun Israel.” ’ ”

Ha khmih, lashai hamar kane ka por ngan pynhap da u phria uba jur eh, kat uta ym ju don ha ka ri Ijipt naduh ba ka dang long haduh mynta. Namar kata te, to phah ïalum mynta ïa ki jingri jong me bad ïa baroh kat kiba me don ha ka lyngkha; u briew bad u mrad baroh kat ki ban shem ha ka lyngkha, bad ki ban ym wallam ha ïing, uta u phria un hap keiñ halor jong ki, bad kin ïap noh.” ’ ”

Te kan sa man pum pum ha ka ri Ijipt baroh, bad kan long ki tohjaw ba-mih ksuit ruh ha u briew bad ha u mrad, kylleng ka ri Ijipt baroh.” Bad ki la shim ïa ka dpei na kata ka pajwa, bad ki la ïeng ha khmat u Pharaoh; bad u Moses u la synreit ïa ka sha bneng; te ki la man tohjaw ba-mih ksuit ha u briew bad ha u mrad.