Popular Bible Verses from ROMA 14

Share

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai. Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

Hkrung nga yang gaw, dai Madu a lam anhte hkrung nga ga ai; si wa yang mung, dai madu a lam anhte si wa ga ai. Dai re ai majaw, hkrung timung si timung, dai Madu hte anhte seng nga ga ai.

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

Dai re ai majaw, anhte shada da hpa n jeyang saga; kadai rai timung, tinang hpunau a matu ahtu kadawng shara hte myit kataw shara n tawn da na lam she, jeyang nga mu.

Kaning rai nme law, “Dai Madu gaw, Ngai ahkrung nga ai hte maren, nye a man e lahput shagu hput di nna, Shinglet shagu Karai Kasang kaw tawngban lu na re ai, nga ai,” nga nna ka da nga ai. Dai rai nna, anhte langai hte langai, tinang dai tinang lam a jahpan, Karai Kasang kaw dan na ra ga ai.

Kamsham ai hta n-gun n ja ai wa hpe hkap hkalum la mu: rai timung, myit mang hparan ai lam hpe dinglik yu na matu, hkum rai myit.

Masha wa a shangun ma hpe jeyang ai wa e, nang gaw kaning san ai wa rai nga n ta? Tinang a madu a man e shi myi man pa na re ai, shing n rai, n pa na re ai; gaja wa shi pa na re ai; dai Madu gaw shi hpe shapa ya lu nga ai.