Popular Bible Verses from 1 Ka Korɛnte 15

Share

Vatse ka kesaka meyɛ ɗa, nza mə le berete, mba yɛ kebare bare, mbake mə mene slene ta Shala keveci keveci, kwa nza ŋkɛ nahe yɛ keɗepe kaɗema hwepe ghə ta ŋayɛ kenza gəmə mbe nza ta ŋayɛ jikə le Nde sleke ŋkwa.

Hana ke gheɓəmə sha Shala nya kendeke ɓəmə berete kehərə ŋkwa laka Nde sleke ɓəmə Yɛsə Kriste.

Mba yɛ keghwete ghəa ŋayɛ: «Ka mcɛhɛ nyi ndiremi ndiremia mehele kabeze mehele ganji.»

Ama va zlaɓa ta Shala nda se 'ya kanza kala nya. Te zlaɓa ta ŋkɛa shɛ ne, za ma 'ya menete slene ke kweci mbeli nyi ghwenakɛ Yɛsə pɛtɛ, ama 'ya nde menete we, zlaɓa ta Shala nya mbe 'ya.

Wa mte, tema hərə ŋkwa ta ŋa gɛ wa? Wa mte, tema have ta ŋa wa? Jaɗafa ya kahave ta mte, wəsə mahalegə ya kaberete ta jaɗafa perə.

'Ya katencɛ ŋayɛ ghena nya tewəfərə: katempə gheɓəmə pɛtɛ we, ama pɛtɛ tezhɛre geva gheɓəmə. Kata kata temene geva ŋkɛ kala metɛ ta ntsə, kwa vɛte geva veke kwa keɗaŋe. Kaganda ne, katevɛ geva veke. Tagha gɛ, katesame mbelia kwahɛɗi kwa kwele kezha mpi nya keɗema kakiɗi, ama gheɓəmə ne, katezhɛre gheɓəmə pɛtɛa ɓəmə.

Kala nya se mte laka wəndə kwetɛŋe ne, tsagha se same kwa kwele le mpi laka wəndə kwetɛŋe perə. Kala nya mpə mbeli pɛtɛ laka nza jikə le Adam ne, tsagha kemave mpi mbeli pɛtɛ laka nza jikə le Kriste.

Nda wəsə nya kedaɗə kaseɗaghe nya kedaɗəma, nda wəsə nya ketemte kaseɗaghe nya kemtema.

Kwa nza ŋkɛ nda Kriste kamene meghe pa te və nya teŋkame ka ghema ta ŋkɛ Shala mbe seɗa ta ŋkɛ. Ma nde keɗaŋe ta nde jaga ta ŋkɛ nya teza sebe ŋkɛ te ne, gheŋkɛ mte.