Popular Bible Verses from Nehemaya 9

Share

Kụ ọlo ạburude ạburude phọ ayoor ologhoma igbogh rꞌọḅaar ẹmhu kụ úmeera úḍighi ịlo nạ ạḅem mọ oḍighi. Bịdi úmeeraam ụ́naghanan; bịdi uwula ni oomo phọ ịpe nạ aḍighi bọ; bịdi uwula ni ịiḍaany phọ nạ aḍighi bọ. Esi ologhoma igbogh, bịdi ụsaḅar ri oḍiemiom dị kạsighe bịdi aḅulemi Ijipt ẹpe ạdol ạrebene phọ. Kụ nạ Ẹnaan dị rạsar ghan kạwilenaan; nạ oye ạghusan rꞌẹphomoghian dị ráagborion ghan oḍeenaan ịghagh iloghi. Ọnma ighirigiir ạna ạbugh ni; kụ nạ bịdi ọ́gunom.

Kụ awe phọ Ịzirel ọoḅereghi ịduon: “Nạ Ọmoogh-we, nạ bịn kụ Ọmoogh-we phọ; nạ kụ ụlhem de rꞌotu-ḅualhe rꞌoomo ạraraar phọ edi bọ ologhi ạbidi; nạ kụ ụngo ghuḍum oomo phọ ạbidi. Ịikpo phọ ịpe edi bọ kꞌạke phọ ekpuḍian ni reeseeny nyịna.

Kụ nạ ọ́wile bịdi ẹpe ẹdala phọ ịdi eḍighi bọ ọnma ighirigiir phọ ạna ạbugh ni. Nạ ọ́gbole ọotu phọ mꞌạnian phọ ịpe eḍeenaan bọ bịdi ḍughul rꞌootaany. Esi ẹnighe ologhi phọ ạna, nạ ụḅeni ni bịdi ịdi ẹkpe oḍighi; nạ ụngo ni bịdi eḍien ạmana, ạḅile ạngo bịdi mụum ọphughol. Esi inyadi ạsia ẹpe ẹdala phọ, nạ ụngo ni bịdi tọrobo ịyaar lọ bịdi ọwa; arukpe ạbidi ị́panyuan, kụ ạrada ạbidi íḅerenu rꞌeephina.