Popular Bible Verses from Olóma 2

Share

Maamɔ́ɔ mɔ́ɔnyɔ o sómbanamɔ́ basɔ́gɔ́ɔ bɛsɛnɛ go moóma mɔ́ɔmɔ bá ŋananamɔ́, asáa gɔgɔ́ maamɔ́ɔ moatɛ́ o mó ŋanana, o béeniŋenye go amɔ́, o ŋga pambá naá mbɔ́dɔ ya Asaŋa ya gosómba bɛsɛnɛ o? Ɛ́na lí o fánɛnafanɛna Asaŋa go gɛantá gá odɛ́má usi gɛ́hɛ́, na gɔ́ɔgɔ a lɔ́mɔ́ a dɛ go gundényée hɔ́ɔ na hɔ́ɔ? O do íyíménée goŋaá busi bá Asaŋa bɔ́ɔbɔ, bɔ́ bó go dómanamɔ́ go go núgie gɛɔyɔ o?

Kanɛ́, maamɔ́ɔ mɔ́ɔnyɔ o sómbanamɔ́ basɔ́gɔ́ɔ bɛsɛnɛ, akɛ́ o lɛ́ ánɛ́ɛ, o do háánánáa na bihéehinye. Gɔ́ɔgɔ o sómbanamɔ́ basɔ́gɔ́ɔ bɛsɛnɛ, maamɔ́ɔ moatɛ́ o ŋanana aŋa bɔ́ɔ, nyuudé náhɔ nɛ́ go ágana naá ncíbo ya gɛaŋɔ́.

Mammana Asaŋa a dɛ iyée mɔtɔ.

Caá akɛ́ báaba bá bódólonyomú gicele go mbódólonyo bɔ́ɔ bá lɔ́mɔ́ bɛtɛ́nɛ́ɛ naá oŋgíso yá Asaŋa. Kanɛ́, báaba bá ŋananamɔ́ aŋa gicele gɛ́ oyamɔ́, bɔ́ɔ Asaŋa a bó íyenyemú bɛtɛ́nɛ́ɛ.

A ŋga soɛná onyɔ moánɛ go meŋiigíe mɛ́hɛ́.

Kanɛ́ go báaba bá mo báaŋɛganamɔ́, bí inyene go ɔ́bɔ mammana, bá ŋanana goana bɛbɛ́ bá moóma, Asaŋa a ŋga bó dúfíe gɛantáanta gɛ́hɛ́ gá mpímí.

Aŋa o lɔ́mɔ́ na edúu, o do lɛ́gálɛ́gáa go núgie gɛɔyɔ gáhɔ. Go busío moánɛ, o bɔ́gɔ́gɔnɔ gɛantáanta gá noséésényée naá buisí bɔ́ɔbɔ Asaŋa a ná dúfiemú mpímí yɛ́hɛ́. Buisí moánɛ, a ŋga dúfíe goŋaá a sómbana batɔ bɛsɛnɛ naá botɛ́nɛ́ɛ.