Popular Bible Verses from Daniẹl 3

Share

Shadrak, Meshak, vẹ Abẹdnigo da kpahe kẹ ovie na, E Nebukadreza, o rhe fo rere avwanre kpahe kẹ wẹ vwẹ ota nana-a. O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie. Ẹkẹvuọvo ọ rha je dia ọtiọye-e, gba riẹn, E Ovie nẹ avwanre cha sa ga edjọ wẹ-ẹn eyẹ oma rẹ oro ru wo vwo vi na-a.

Ọ da kpahe, Ẹkẹvuọvo me mrẹ eshare ẹne ra rhan ufi nu re yan vwẹ evun rẹ erhanre na, erhanre na torhẹ aye-en, oma rẹ ohwo rẹ ẹne na da họhọ ọmọ rẹ eghẹnẹ.

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.