Popular Bible Verses from Daniẹl 2

Share

Daniẹl da ta: Ebruba kẹ odẹ rẹ Ọghẹnẹ bẹdẹ bẹdẹ, ohwo ro vwo ẹghwanre vẹ ẹgba. Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ Ọ vwẹ obo ri kodori vẹ emuigbunu vwọ phia, ọ riẹn obo rọ hẹ evun rẹ ebri, orẹmrẹ vọye gba dia.

Daniẹl da kpahe kẹ ovie, o vwo ọvwaghwanre ọvuọvo, eyẹ otu rẹ idjene eyẹ otu rẹ egbẹnẹkẹ eyẹ otu rẹ fan otọ rẹ isio ri se dje emuigbunu nana rẹ ọvie nọre na kẹ-ẹ, ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ