Popular Bible Verses from 1 Ko̱ri̱nto̱ 6

Share

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱. Utuwaung bali Ta̱mu̱ta̱dde̱n i̱ge̱t daize ci Ye̱su̱ Ki̱ri̱sto̱. Abunna zin niga ming a̱di̱ngdi̱nga̱nnu̱ Ta̱mu̱ta̱dde̱n e̱le̱tti̱ne̱ cuggo̱k.

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi, icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.

E̱de̱yya̱ e̱le̱tti̱ baize ci a̱li̱ya̱kze̱ti̱nu̱. Imma mu̱nye̱na̱ cik ogon e̱e̱ti̱ ci diiri ko̱ do̱o̱k aavtte eliya eci re̱e̱nu̱no̱, ma̱i̱je̱ e̱e̱ti̱ icima ngaa ci een a̱li̱ya̱i̱t ogonik mu̱nye̱n ele cinne.

Azi ol uggak ngatinno̱ng ne, “Kogonni wo̱ye̱ anna kaal do̱o̱k ming korongi.” Abarik ka̱du̱wa̱kku̱ng iróng kaala do̱o̱k agano ming kogon naga. Kutubura zin anna iróng kaala do̱o̱k anyak doiz ngatinanni.

Ingannet atin Ta̱mu̱ta̱dde̱n agit bu̱k do̱o̱k daiza doize cinne ki bali ming ingane enne Manyi Ye̱su̱ daiza ke̱.