Popular Bible Verses from 1 SIONE 3

Share

Raranatugu. Ta hatu viti huri na lagwaana kina ringoda vohoki, vae tana vosangi na lagwaana kareaki lo doridorida.

Lolona i Kraes* mo tiraki na mamaurianana hurikita mo vosangikita kina hala na lagwaana, vae u taritarisa kwara i kita vake tana tiraki na mamaurianada huri rabelada lui Kraes.

!Tulu taga! I Tamada i God u lagwa haburu maikita. A nona lagwaana u lakua haburu vae hokinia tamo kwareki i raranatuna. Vae kareaki i kita i raranatuna. A tangaloi hinea rau huri na doridori na varamana, rahe kikilaikita tea kwara i kita i raranatu i God, huri rahe kikilai i God tea.

Ihe hinea u seaki na vaivai hati, aia a tangaloi bulai Setano*, huri i Setano u vai na vaivai hati vanamai evina kinia lolona a varamana u tikei radu nga, vae i Natu i God u vanamai huri na kinau hini kwara ne vai magaraki na bolokiana noi Setano.

Ihe te hinea i natu i God, he toko seaki na vaivai hati tea, huri i God a bohianana aia luna. Vae nehe vai lai tea kwara ne toko seaki na vaivai hati, huri i Tamana i God.

Diko te tangaloi a nona vivilagoki u rusa, u tagai tuana u kakaravika, vae he domi huri tea kwara ne hago mai tuana, a tangaloi hi nehe viti lai tea kwara u lagwa mai God. A lagwaana noi God u tikei lolo domina.

Ihe te hinea u rongohuri na tulikileo noi God, u toka lui God, i God u toka luna. Vae tau kikilai kwara i God u toka luda ba, huri u bete na nona Tanungwe lakwakita.

A kinau hikani u matangwasara lakwakita kwara ihe maira i raranatu i God, vake ihe maira i raranatu i Setano. Te katukwale hinea u vai kinau he bakoto tea, diko he lagwa te mai tuana, aia hete i natu i God.

A leo hi tulu mo rongoa lo tinatinakakiki aia hika kwara tana lagwalagwa maikita.

Rabela. Diko a tangaloi hinea rau huri na doridori na varamana rana vai taratarakikamu, tulu hatu maruti.