Popular Bible Verses from 1 SIONE 2

Share

Tulu hatu lagwa mana doridori na varamana diko te kinau hini rau eno lo varamana. Diko tulu lagwa mana doridori na varamana, a lagwaana huri Tamada u tikei lumiu. Vataha na kinau hini a nona varamana aira hika. A lengalengahuri hati a domi u lengaia, a kinau hi a tangaloi rau taga ramo lengaia, vunu vatavataha na kinau lo varamana hini a tangaloi rau domidomira luna. A kinau aira vano hi rahe vanamai te ti Tamada, vae savira rau vanamai tina doridori na varamana.

A varamana, vunu vataha na kinau hi lolona a tangaloi ramo toko lengaira, vae rau tuku tikei, vae ihe hi u tuku vai kinau i God u lengaia ne ahi vaki tuai.

Ihe hi u rongohuri na leo i God, a tangaloi hini u vosangia tivarea lo doridorina kwara kareaki i God u vakakukwere na domina kina nona lagwaana. Ihe hi u viti kwara aia u toka lui God, u taritarisa kwara ne loliloli hoki Jisas Kraes. Hokinia hi tau kikilai kareaki kwara i kita tau toka lui God.

Raranatugu. Nu uli na leo hika lakwakamu huri kwara vae tulu ne hatu vai na vaivai hati. Vae diko te katukwale tikita ne vai na vaivai hati, vae i Jisas Kraes*, aia hi a tangaloi bakoto, u tu lo nako i Tamada i God u tuku kwaha hurikita.

Diko te tangaloi ne viti “I nau nu kikilaia,” vae he rongohuri na nona tulikileo tea, a tangaloi hokinia hi aia a tangaloi kurakura, vae a vitikareaki u tikei luna.

Diko tau rongohuri na tulikileo noi God, tau kikilai kareaki kwara tau kikilai i God.

Ihe te hinea ne viti aia lolo leleha, vae u vai tarataraki tuana diko i hagwena lui Kraes, aia lolo dodoki radu nga vaki na hika.

?Vae ihe hi a tangaloi kurakura? A tangaloi kurakura aia hini u viti kwara i Jisas aia hete i Vurae*. Aia hi a tavaluivuro noi Kraes, huri u bena ki Tamada mai Natuna vake.

Ihe te hini u bena kina Natuki, u bena kina Tamaki vake, vae ihe hi u matangwasaraki kwara u hauhuri lo Natuki, u lai tabetabeki na Tamaki vake.