Popular Bible Verses from PAKI HEBERU MAGA 4

Share

Nalakena navasaana ki Sup̃e e mauri, go e pei toro kasua, go e makali liu sara lova waina nawokana e dua, go e do puri pa pa paki natap̃otaeana ni namauriana anigida go ni naatagida, ni kolopuda maga go ni namaraeda, go e do midoaki p̃otae mamidodoarogoana maga go namidodoaleoana maga ni nap̃op̃ogida.

Nalakena tea wanogoe tuga viviari umai paki m̃aladigi ki malotokoana ni nasaup̃iaana, naga tuga tape nadodomiana, po pap̃ai nasaup̃iaana raki nasilaeana ragi kakana.

Nalakena tu da peani tea viri warua liu sikai waina e mari sa dogo sikoti gida namanainaiana anigida maga mau, ma tu peani sikai waina e pei tea maridogoana sua nalo ni naleo maga mamau puti pae natakiusi‐gida‐ana masale ki namarinaleosaana.

Go tea tawonakiana sikai e da doko mau waina e da doko lina naraena mau: ma naleo maga mamau puti eu m̃alam̃ala go eu doko lina ki namata ni tea waina tu peani naatusigida‐ana paki nia.

Nalakena tea wanogoe waina tu peani tea viri warua liu warua sikai waina e pa duaduru nakoroatelagi maga, Yesu Natu ni Sup̃e, tuga tape soki nanoasaiana anigida.

Nalakena tea wanogoe tuga mari m̃arekareka naga tuga sili paki namaromaroana wanogoe, naga te naata sikai ega ta dowo mau paki naviseikiana sikai maau wanogoe ni narogopiriana.