Popular Bible Verses from 1 Ịjọọnụ 4

Share

Ịrẹyị ọza oyisì ọ mā nyị angwahi. Oyisì Ohomorihi ọ̀ọ sị gụ tụ́ ịnị ayị ọza, vaa dụ angwahii jịnẹ nị. Ọza ọ̀ọ yẹ ka a vaa sị ụyaa rị ọnị, dị ee hí angwa. Ọza èe yii hí angwa, oyisì Ohomorihi ọọ̀ yị gụ tụ́ ịnị ayị anị.

Ẹwụ nịnị ezi emi, àa vị ẹwụ nịnị yọ, ẹwụ nịnị vị ezi Ohomorihi, wa sị ọnịsẹ onireche ẹnẹẹ huna nịnị, agụvị ka, Ụhwẹ Ọnịnị ana yà ịnị ayị awụ nịnị, o huna ụhwẹ ana yà ịnị ayị anẹhẹ nị.

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.

Ẹwụ nịnị anda ayị, à navọ yee sì ịrẹyị ẹngụ nịnị, agụvị ka ịrẹyị ọza ò yi sì vị ana hụụ ịdị Ohomorihi vẹ. Ọza ene èe sì ịrẹyị ọza vị ozi Ohomorihi, ọnị ọ yẹ Ohomorihi nị

Ọza ene è yi sì ịrẹyị ọza, ẹ́ yị yẹ Ohomorihi, agụvị ka Ohomorihi vị eneē sì ịrẹyị ọza.

Ịsị aā hị́ ịrẹyị ọza oyisì yị: Ẹ́ yị vị ka vị ẹyị sì ịrẹyị Ohomorihi nị, ama Ohomorihi o sì ịrẹyị ayị nị, dị ọ tụ́ Ozi anị vẹ ẹhẹ ka ọ̀ va sị ẹngụ anị mẹ̀ ịsọvọ, dị à zụ vagu yị ịnị ịvị ayị nị.

Ẹwụ nịnị anda ayị, Ohomorihi ọ̀ọ maanị sì ịrẹyị ayị, áa vọrọ ka e yè re sì ịrẹyị ẹngụ.

Aanị Ohomorihi mẹmẹ sị zụ̀ yị gedebee ka oni ô sì ịrẹyị ayị nị: Ọ́ tụ́ Ozi anị ikonya gene-gene vẹ ẹhẹ agụvị dị ya nyẹngụ yara ịnị oze anị.

Ọza ọ̀ọ kà a ka oni óo sì ịrẹyị Ohomorihi, dị aa yịị kụ́ ayị ọnọhụva anị nị, onireche ọza ọnọọ vị nị. Ọza è yi sì ịrẹyị ọnọhụva anị ene ee re, ọ mẹmẹ zụ sì ịrẹyị Ohomorihi ene è yi re?

Ọza ana àa há irenu anị kà a ka Ijeesu vị Ozi Ohomorihi, ọnịrị Ohomorihi vị ọnya; Ohomorihi ọnịrị ọza ọnọọ ọ sị vabẹ.

Ọda ọnị Ohomorihi mẹ yị yị: Ọza ene èe sì ịrẹyị Ohomorihi, ò re sì ịrẹyị ọnọhụva anị bẹẹ.

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ. Ịsị a nyẹngụ sị yẹ ọza ọ̀ọ nyị Ụhwẹ Ọnịnị Ohomorihi yị: Ọza tụra ọza anaa dọ ka Ijeesu Ikirisiti ộ vẹ ẹhẹ anka ozi ọza, ọ̀ nyị Ụhwẹ Ọnịnị Ohomorihi nị.

Ama ọza tụra ọza ẹnị ẹ̀ yị dọ ka Ijeesu Ikirisiti ộ vẹ ẹhẹ anka ozi ọza, ẹ́ yị vị Ụhwẹ Ọnịnị Ohomorihi ọza ọnọọ nyị. Ụhwẹ ọnịvị Ikirisiti ẹ́ngụ ọza ọnọọ nyị nị. Wâ vịdị wụ́ nịnị ka ọ vaa vẹ ịnị ẹhẹ, ịzẹyịza, ọ yà ịnị ẹhẹ booro aanị.