Popular Bible Verses from ÁLUKA 22

Share

Óndú ā le okónu kú ijakī ā nwūla, anɔ́ɔ ijakī ā da Ubálam kahíníī, “Ɔdí nɛ̄ n yá uwɔ ɛ́ɛ́ nāa fīyɛ̄ um ɔcí igbo ɛtá nyā a?”

Óndú ā le eyī kú Ubálam nwūla, anɔ́ɔ ó lɛ alelékwū otɛ̄hɔ̄ kú Óndú ā má mla ɔkpacaŋ́gelī ā, anɔ́ɔ ó le okwúukwu kpó kwaajɛ, kwú eyī ú pīya klá ajɛ á.

Anɔ́ɔ alelékwū otɛ̄hɔ̄ ā da ɔ́ kahíníī, “Ɔdíyá nāa fīyɛ̄ ijakī kú uwɔ ɔcí igbo ɛtá lɛ ā? Ami wā í háyi ɔwɛ ká n lɛ iyāwu kú uwɔ ā ci á. Ohígbū ka á cíkā ō ga iyāwu ā ŋ́.

Anɔ́ɔ ijakī ā tá ɔ̄ ohi kahíníī, “Ami wɛ ijakī nāa húmáyī ce ipú oyēeyī kú uwɔ ā ŋ́ nɛɛ? N yá uwɔ lɛ ā jéjéē ɛɛ́ ɛ̄ɛ̄?” Anɔ́ɔ Ubálam tá ɔ̄ ohi kahíníī, “Ehée.”

Anɔ́ɔ Ubálam tá ijakī ā ohi kahíníī, “Ohígbū ka a yɔ̄ ī yá um olíla, ɔ́dāŋ ka n kōō bī ɔkpacaŋgelī abɔ̄ nɛɛ, ń géē yɛ í lɛ uwɔ ŋmó.”

Eko nɛ̄ ijakī ā, le alelékwū ōtɛ̄hɔ̄ kú Óndú ā má kpɔ́ ā, ó má gwutáajɛ. Anɔ́ɔ Ubálam le cɔ̄nū ŋmá ɛyí nū gbɔɔ́ ō fīyɛ̄ ijakī ā ɔcí á.