Popular Bible Verses from Səɓəlari 20

Share

“I an MTHLAKU na Hyelər nga, na kəɓəla nga akwa mbwar mafakur akwa tsəɗi Masar. Ga aɗiya vəngkər səli aka haptayeri wa, tar ali I shira.

Ga aɗiya namtə haptu aka kəra gə wa, wala kəlara su na dludzi ka su na amtazi, wala su na aghəyazi akwa duniya, wala na akwa yimi, wala na akira duniya, ka tsa ndzi haptu wa. Ga aɗiya zuzuri akəma ɗa wa, wala vəngkər səli ala ɗa wa, kamnyar I an MTHLAKU na Hyelər nga, antə I ata bara hirkur na swakti akəla ga. Antə ma ga ku nggəlar ra, I ata ɗi mjir nyarmbwar nga har ka mwanta akwa zaman na makərkur ka na nfwarkur.

Ka gə nar olkur aka baba' nga ka mama' nga, kamnyar ka far ngə fəi akwa tsəɗi tə I na MTHLAKU na Hyelər nga akwa na ala gə ni.

Ka gə ɗangtə Vir Ghərəmtaghəra ar sati kara hamta ni swakti ali.

Ga aɗiya kathləma MTHLAKU na Hyelər nga gapangapani wa. Kamnyar MTHLAKU aɗi ata zhar ɗi mdə na ku kathləmari gapani wa.

Vir ngkwa aɗi tə ga ata mzhi hara kəthlər, ka kuri shanga kəthlərayeri ar nga akwa. Amma vir na murfəkur an Vir Ghərəmtaghəra natə mdə ku vəi kamnyar na, I na MTHLAKU na Hyelər nga. Vir nda mda aɗi na ata hara kəthlər wala duku wa. Antə tsawu ngəni ku tsəkwar nga, ka ɓzər nga, ka ngkwar nga, ka buɗar nga, ka ngkwar kutakəyir nga, ka mwaɓiyayeri ar nga, har kəga mətəpi na adzə nga.

Ga aɗiya nggukə kəyir ntəwulər ngə wa. Ga aɗiya bara mwalar ntəwulər ngə wa, wala ngguktə buɗarni wala ngkwar kutakəyirni, wala thlarni, wala kwararni, wala kəlara su madi na arni wa.”

Ga aɗiya hara seɗar thlandər ata kəra ntəwulər ngə wa.

Ga aɗiya ləkə wa.

Ga aɗiya tsi mdə wa.

Ga aɗiya həl wa.