Popular Bible Verses from Deutronomi 11

Share

Make una tish dis kommand to una shidren. Make una tok about dem wen una dey house and wen una dey for road, even wen una won sleep and wen una wake-up.

So make una keep dis kommand for una mind. Make una tie dem for una hand kon wear dem for una head, so dat una go remember dem.

Naw, if una listin well-well to my kommand, wey I dey tell una today kon love di Oga una God and serve am with all una heart and mind, E go send rain for una land for di rite time, both di early and late rain, so dat una go harvest una food, new wine and oil.

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Si, today I dey give una shance to pick between blessing and curse! God go bless una if una obey di Oga una God kommand wey I dey give una today. But na curse bi una own, if una rijet di Oga una God kommand kon turn from am go woship oda gods wey una nor know before.

Make una rite dem put for una door-mot and for una gate, so dat as long as di sky dey on-top di eart, una and una shidren go dey betta for di land wey God promise una grand-grand papa.

But make una dey kareful. Make una nor let anybody deceive una, so dat una nor go turn from God kon dey serve and woship oda gods.