Popular Bible Verses from Deutronomi 10

Share

Naw, Israel pipol, wetin di Oga una God wont from unasef? E wont make una dey fear am kon dey live di kind life wey E wont make una live. E wont make una love, respet and serve am with all una soul and heart. Una must always obey God kommand and law wey I dey give una today, so dat evritin go dey well with una.

Bikos di Oga una God na God of all gods and Oga of all ogas. Na en bi di great Oga God, di God wey dey do wonders, God wey nor dey do wayo and nobody fit bribe am.

So make una shange una heart and stop to dey do strong head.

Doz wey nor get papa and mama and doz wey nor get husband again, E dey make sure sey E fight for dem. E dey show love to strenjas wey dey stay with una kon give dem food and klot to wear.

Na only en bi God; di only one wey wi go dey praiz; di Pesin wey don do many wonderful mirakles wey una don si with una own eyes.

Una must fear di Oga una God kon woship and love am. Wen una swear, e go must bi with en name.

Di heavens, di heavens wey high pass, plus di eart and evritin wey dey inside am, na God get all of dem.

So una too must show love to strenjas, bikos unasef bi strenja for Egypt before.