Popular Bible Verses from BaGalati 6

Share

Won in bi rɔn yit ayɛt iras ntomong ntek awo, nek na akpaf izen, in bi tusung yit nkyɔrɔk ntek ki da in rɔn yit awo.

Nek anɔng, ki in sɛ yit izen, won in nye itek sak na banet ngma kusum, amak e bayɔng fɛ́ ba se ni irèn ikuus.

Di sɛs yin bafidang ni ndaam bà, nek ayet anɔng e me fi i di ki shining yin itees Anet-Isheshek.

I bi wɔrɔk yin ice yin awo, vit anet fɛ́ a da kyem a tonong Adakunom itsɛ́ng. Ngma ikyɛng fɛ́ anet tup, ide fɛ́ a da tusung.

Ayɔng fɛ́ a tuus nek a di tɛrɛk ishim irɔm wu iyɛ, ayɛt ishim irɔm e ye fɛ́ a bi tusung ikyɛng fi i bi ku tsa sak iku; awɛt ayɔng fɛ́ a tuus nek a di tɛrɛk Kabik Adakunom iyɛ, a bi tusung ice wu kutset vit nkum.

Ábaruneng, ki i iyit yin akak ni inɛn, iyin fi ise yin ni nggɔn abik Adakunom, bun yin ni wu ni irèn ayɛt nhwyɛ. Awɛt nye yin yɛɛt ni ice yin, kɔng iyin ba ni di kpas yin ni imara me bá.

Ke akak di fok iwu kyem ikikak, da a ne a kyem e awo, a tsin wɔrɔk ice wu. Won kaangan na a mas nggɔn wu a da di, na anɔng wu fɛ́ a di ki nye kukaa ni ice wu, da nek imaas ice wu ne akak awo, nek kaangan mi sok acet wu.