Popular Bible Verses from BaFisa 4

Share

Sot yin kyang ni foos yin angmishish bafidang, fuut bafidang anɛn bá, kpaf tɛ fɛ́ Adakunom ki fuut yin ne ayɛt Anet-Isheshek.

Ba ki sɛs yin ayɛt imen nhwyɛ ni iyit ice, nɛ akabɔk, nyes yin akabɔk ne bafidang ayɛt ishim.

I bi won yin ncɛɛt kpɛɛ ni in wuru na nu yin awo, tit kucɛɛt fi ku se gyat, fi ku da nok bakak ni izen ndaam, nɔng bayɔng fɛ́ ba tsin di wes ato bin di sok ikikak.

Tun yin kaakye kuri iyɛ ife, ni ifa, ni ibeseng iyɛ, ni kurēn, ni ibeseng iyerek nɛ akaakyɛ kuri anyas.

“Ayɛt ibeseng iyɛ yin, i bi ra yin inɛn awo.” I bi won yin kunom ni ku kpa ni tsin rēn beseng yin áyɛ awo, i bi nɔɔk yin aShetan kawat awo.

Ba kin ki tees yin ni iwobok yin nggɔn anɛn, ni kusot fi i tsang di se yin, kuyɔng fi ku beseng banet ni irèn ikɔk irɔm ni mbɔs; nɔng i da sok yin nggɔn nfas ayɛt ayɛ yin; nɔng i da te yin anet afas, ayɔng fɛ́ Adakunom mi ku nye na a sot ti iwu, ayɛt atsak, ni kusot kutabat nɛ ajɛrɛ.

Nye yin ngma ikyɛng fi i da nye yin nek imoon ice abik ayɛt kusot kukyang.

Iwu fɛ́ a sak bakak na ba sot batom wu, a sak bakak na ba sot batan wu, a sak bakak na ba sot bafi ishara ifɛ̀ wu, a sak bakak na ba sot banek bafi ikuus wu nɛ bafi itees bà. A nye anɔng, nek ba di nye banet Adakunom nek ba di kutomong mok inok kurɔm Anet-Isheshek, ma ngma yit in sot yit bazining ayɛt inɔɔk atsak, ni irēn Arim Adakunom, ma in te yit gbagba, in sɛ yit kurasak isot fi ku tas kufɛ́ Anet-Isheshek.

Na anɔng, in da won yit nggɔn nnon, nfi itiri aze na aza tɛ ashi fi kuwun nye ne, ni ikok nhwyɛ fi nzam-nzam itees ka ba nye ne, ni iboroso fɛ́ bafi kutsitsɛng mbɔɔs, ka ba nyes e. Aza iras nggɔn in yɔng, won ni in sot yit bafi itaas atsak ayɛt ishim, won ni in rasak yit na kaakyi irén, ni in sot yit tɛ Anet-Isheshek, iwu fɛ́ a yet Ice kurɔm e.