Popular Bible Verses from MATTHAI 28

Share

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi. Ka thupiakmi hempoh zui tukin hilh unna, hun tawp ni tian nohtei lakah um leleng tung,” ti hi.

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

Vancungmi in numei tei lakah, “Lau pahsuh un; Thinglamteh humah a thah haw, Jesuh zei uh ci tih thei ing. Hilai ah umleh ma toh hi, a hilh hamsa bangin thihnak pen thawhlehtik hi zo hi. A vuinak mun zo un hi.

Jesuh in amu lakah, “Lau pahsuh un, ka unaute khi Galilee ah hawh tukin hilh unna, mahlai ah keimah tawk tuk uh ci!” tin ti hi.

Thiampi upa le Judah mi upate tawkdun khawmin, thu ngaisung khawm haw hi. Ngalkapte nawhthuh tangka tampi pia in, zanlaih tak ka hihbuhlan uhin, a nungzuitute hung haw in, a luang ngu haw hi, tin ti un hi. Mahmi cu ngamuktu bawi in, a thei vangin na lau tuk uh imah umma poh hi. Sualnak nei haw ma hi tin keimuh in hilhsak tuk poh ung,” tin ti haw hi. Khancingtu ngalkap ten tangka cu la haw in, amu hilhnak bangin bawl haw hi. Mah thu cu Judah miten tuni tianin son li haw laih hi.