Popular Bible Verses from Xo̱jo̱o̱n Sandiyaá 1

Share

Jún ntsꞌie, tsjangatamajnú kjiꞌanga kjín to̱ko̱ya ni ku̱i̱tjájinjnú nga chjátꞌayákónjnú, ngatꞌa̱ jè yàjnú nga kjiꞌanga bitjajinjnú kjo̱a̱chjatꞌayákoón, kó nda fotjojnú, ja̱ kjo̱a̱a̱ nga ꞌniú sꞌijinjnú Néná, kó kuí nii̱ xi tsꞌén nga chikjo̱a̱jnú ta̱jmì niní.

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

Ngatamajnú kui nii̱ jún ndí ntsꞌie xi tjóna: Ti̱ndyiondajnú nga tsá ko̱si̱e̱nnijónjnú ngo ni, ta̱nga ngata̱ tsájín ndokjo̱a̱jnú, ko̱jo nga ta̱ tsájín niꞌánxchánjnú.

Kó bo̱a̱ tsꞌén kjiꞌanga ndyi̱niꞌánchíkjo̱a̱jnú, ndyi̱boeꞌéndièjnúu̱ kui kjo̱a̱chiyákjo̱a̱a̱ nga sa̱ꞌín ndo̱jò xaá ngi̱jin ini̱ma̱jnú, tsi̱ꞌe̱ nga ka̱majnú jún xi chjiéngá ka̱majnú, kó nga ka̱ma xcha̱ nda ndajnú ngi̱yaa̱ kjo̱a̱sꞌijii̱n Néná, kó nga ngojín ni xcha̱jàjnú.

Ta̱nga nga jmí tsi ta̱ ko̱nda̱ꞌyá tsíjnú eén Néná, chjiéngá si̱ꞌankjatjosónjnú nga si̱ꞌánjnú xikó tsó, ngatꞌa̱ tsi bo̱a̱jín si̱ꞌánjnú, ta̱ ndyi̱chꞌíṉcha̱jo tsíjnú yojojnú.

Achichíra̱ tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Ngatꞌa̱ tsi tjín xi ta̱ ntꞌié tsí eén Néná, kó tsꞌénkjátjosónjín nga tsꞌén ni xi tsó, xikónií ngo nda̱ xi kotsijee̱n kje̱n ngo chi̱tsen xí tsitsienjenjin, kó ngije kotsijee̱n yojoo̱, nga tsꞌénkꞌafóyà nginí, jè kichíyaá kókjiꞌi kje̱n.

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.

Kjiꞌanga tjín xí chjátꞌayákón nga ni xi ndajín sa̱ꞌín, ngata̱ tsꞌénkjójín nga Néná boá xi tsꞌénkjitꞌayàkón. Ngatꞌa̱ Néná jmíjín xi kjitꞌayákón, tsi̱ꞌe̱ nga ni xi ndajín sa̱ꞌín, ti̱nde jmíjín xi ka̱maa̱ skjítꞌayákón Néná, tsi̱ꞌe̱ nga ni xi ndajín sa̱ꞌín kuí. Ta̱sá ni xi ndajín xi chji̱a̱a̱ ini̱ma̱a̱ xotaa̱ xi kjitꞌayákón, kó kuí nii̱ xi tsꞌeén kjo̱a̱ꞌniú ngaskande nga tsꞌénkjátjosón kui ni xi ndajiín.

Kui ntsꞌié xi ni̱ma̱ tsꞌén tikoón, tsjangatamaa̱, ngatꞌa̱ nkꞌa tikón ngindyi̱ko̱n Néná