Popular Bible Verses from Ohutula 20

Share

“Ese niise Omwaami Nasaae Wao owahutusa mu Misiri, yi wali nooli omuwaambe. “Oteenamiranga nasaae wuundi ohumalaho ese.

“Oteeholeraanga ebifwaanani by'esiindu syoosi esiri Muukulu oba hu syaalo, oba mu maachi akali aasi w'esyaalo. Otasigamiraanga esiloongaloongwe syoosi oba ohusiinamira, olwohuba ese niise Omwaami Nasaae weeng'we, nae haba sindesimiirisiraanga oyo yeesi owunyiingania. Ese ndeeta ebibonereso eyiri abo boosi abasyuula, eyiri abeechuhulu baabwe, haandi neende ohwoolera elalira eyiri abeechuhulu baabwe aboohudatu kata neende abohune.

“Yisaanga oluyaali mu lataao neende maakoo, hu onyale ohumala endaalo nyiingi mu syaalo sii huberesa.

Liindaanga Sabbaato mani oyihola yiba enjoolerefu.

“Otehoonyeraanga eliita lyaange hu bichiiririrwa bibi, olwohuba ese, Omwaami Nasaae wao, njia ohusaandya oyo yeesi ochakiaa-chakia eliita lyaange.

Ewe oli neende endaalo chisaasaba chi ohoyere ohuholeraangamo emirimo kyao kyoosi, nae oludaalo lwa hataanu-na-habiri, ludaalo lw'ohuwuluuha, olwandeherwa. Mani hu ludaalo olwo, abulao oyo yeesi ohoyere ohuholaho omulimo kwoosi, kata sa ewe, omwaana wao, omuwaambe wao, ebisolo byao, oba bawalukeenda baba nibamenya mu syaalo syao.

“Otekoombaanga enyuumba y'owaasyo; otekombaanga omuhasi wae, omuwaambe wae, ebyaayo byae, esuhiri yae, oba esiindu syoosi syaali nasyo.”

“Otabachiraanga owaasyo ebihaya.

“Otayiranaanga.

“Oteetanga.

“Oteebaanga.