Popular Bible Verses from 1 Timoteo 1

Share

Kóva ñe'ẽ añetegua, ha opavave ikatúva oguerovia: Cristo Jesús ou hague yvy ári pecador kuérape osalva haguã, ha umi pecador apytépe che pe ivaive va'ekue

opáichavo, Tupã Ñandejára che poriahuvereko va'ekue, Jesucristo ohechauka haguã che rehe raẽvete pe ipy'aporãngue ha che poru haguã techaukahára ramo umi ojerovia va'erãme hese ohupity haguã pe tekovete tapia guarãva.

Che niko ha'e ndéve ko'ã mba'e ikatu haguã oĩ mborayhu onacéva corazõ potĩgui, py'aporãgui ha jerovia añetévagui.

Upéva rehe kena ñamomba'eguasu ha ñambotuicha tapiaite pe Mburuvicha guasu tapia guávape, araka'eve omano'ỹ va'erãme, ha upe ikatu'ỹvape jahecha, upe iñarandúvape, ha ha'eñoitéva Tupã Ñandejára. Amén.

Ñane mandu'a vaerã mba'eveichagua ley ndojejapoiha umi hembiapo porãva peguarã; pe ley niko umi tekove vai ha heko ñemoĩva peguarã uvei, iñañáva ha pecador kuéra peguarã, umi omomba'e'ỹva Tupã Ñandejárape terã umi mba'e marangatu, umi ojukáva túva terã isýpe terã hapicha peguarã, umi ojoguerekóva menda'ỹ rehe terã kuimba'e kuimba'e ndive, umi kuimba'e terã kuña rerahaha, umi ijapúva ha japuhápe ojuráva peguarã. Ha pe ley oĩ avei oimeraẽva teko vai ambue peguarã, opu'ãva pe mbo'epy iporãva rehe