Popular Bible Verses from APOCALIPSIS 3

Share

Kóllano, átog ko'o enmáha selwónencha'a kéxegke, kéxegke ektahakxa enxoho kéllegé sekpeywa, keñe kólmeykesek átog, keñe sat ko'o atxek kañe' kélxagkok, apasmok sat nahan kélto taxnam kéxegke.

Ekya'ásegkok ko'o ekyókxoho aksok apkelané nak xép. Ekya'ásegkok nahan aptaha exchep yáma semamenyého ko'o, tén han yáma mehemamenyého. Etnoho anna exchep mehemamenyého apagko', esenhan etnehek semamenyého apagko'. Ataknók sat xép ektémol'a agyekxek antaknók aksok, hakte yáma semamenyého aptahak, yáma mehemamenyého nahan aptahak.

Agkéshok cha'a ko'o sekpeywa apyókxoho ektaha nak selásekhayo, altennásekxohok nahan cha'a ekyetna enxoho megyakhémo aptahakxa. Etne exchep ekmáheyo agko' apwáxok, eyakmagkas apwáxok, ey'ókxa Dios.

Ekya'ásegkok ko'o ekyókxoho aksok apkelané nak xép; elano, ekmeykesek ko'o átog apmonye exchep magmowána nak agápekxa', asexto' eykhe exchep apyennakte, apkelyahakxók eyke sekpeywa, apxénchek nahan sekwesey.

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.

Apxénchek xép aptaha ekxákma aksok apagkok, tén han apxéna ektakmela apha, apxénchek nahan xép méko eyéméxchexa xama aksok; akke ékpelchak xép aptaha megyásekhamap, tén han aptaha apmopyósa apagko', tén han meyke aksok apagkok, meyke apakta'ák, tén han aptaha meyke apáwa.

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.

Exatakha, elmeyásekxa' makham elyennakte m'a aksok ekyetna nak makham xép, cham'a peya nak kalmassegwók, hakte ekwet'ak ko'o megkapéwo makham aptahakxa exchep nápakto' Dios ahagkok.