Popular Bible Verses from 2 Kɔrintinima 4

Share

Ti bi lihirila binshɛŋa ti nini ni nyara, amaa ti lihirila binshɛŋa ti nini ni bi nyara, dama nir’ nini ni nyari binshɛŋa nyɛla din ku yuui, amaa binshɛŋa nir’ nini ni bi nyari nyɛla din ni be hal ni saha din ka bahigu.

Dimbɔŋɔ zuɣu ka ti bi gbarigira. Hal ti niŋgbuna yi filinda, ti suhuri ni biɛhigu din’ kul leerila zaɣ’ pala biɛɣukam. Ti wahala dibu din pɔri ka ku yuui ŋɔ nyɛla din niŋdi shili ni di tahi ti jilima din ka kpee na, ka nyɛ din ni be hal ni saha din ka bahigu.

Ti nyari wahala binshɛɣukam zaa ni, amaa ti bi ŋma n-chɛrisichɛrisi; ti birinda, amaa ti suhuri bi saɣinda; ti nyari alaka, amaa ti na ʒi n-kpalim ti ko; bɛ ŋmɛri ti luhira, amaa ti bi kpira.

Amaa azichi ŋɔ m-be tinim’ bɛn ŋmani yaɣiri duɣiri ŋɔ ni ni di wuhi ni di yiko din galisi nyɛla Naawuni dini, ka pa ni ti dini.

Bɛ sani binshɛli din nyɛ ʒiɛmani ŋɔ bin’ jɛmdili la zomla bɛn’ bɛn bi niŋ yɛda maa nina, ni o chɛ ka bɛ ku nya lahibal’ suŋ la neesim din kahigiri Masia ŋun nyɛ Naawuni maŋmaŋ’ ŋmahinli ŋɔ jilima wuhiri la.

Dama Naawuni ŋun daa yɛli ni neesim neem’ zibisim ni la, ŋuna n-nyɛ ŋun chɛ ka o neesim neei ti suhuri ni ni o chɛ ka ti baŋ Naawuni jilima neesim din neeri yiri Masia ninni na la.