Popular Bible Verses from 1 PEDRO 4

Share

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

Sapa ujtaj Diospa qosqanman jina wajkunaman jaywachun, sumaj mayordomo jina, Diosmanta ashkha yanapata jap'isqanmanta.

Pillapis parlajqa, Diospa palabranman jina parlachun. Pillapis wajkunata yanapan chaypis, Diospa kallpa qosqanman jina yanapachun; tukuy imapi Jesucristonejta Dios yupaychasqa kanampaj. Paypajtaj kachun janaj pacha k'anchay, kamachiytaj, wiñaypa wiñaynintinkama. Amén.

Pichus Cristota qhatikusqanrayku ñak'arin chayqa, ama p'enqakuchunchu, astawanqa chaynejta Diosta yupaychachun.

Tukuy imaj tukukuynin qayllapiña. Maychus kajta ruwaspa kausakuychej. Mana sayk'uspataj Diosmanta mañakuychej.

Munakusqasníy, ama t'ukuychejchu nina larwaypi jina ñak'arisqaykichejmanta; mana rejsisqapis kanman jina. Astawanqa kusikuychej Cristoj ñak'arisqampi chayaqeyoj kasqaykichejmanta; payqa jatun kaynimpi rikhurimojtintaj, may kusiywan junt'asqa kanaykichejpaj.

Qankunapura ama thutuspa, wasiykichejman wajyanakuychej.

Ajinaqa, Diospa munayninman jina ñak'arejkuna, almankuta jap'ichichunku, mundota ruwaj, junt'aj Diosman, allin imastataj ruwachunku.

Cristo ñak'arerqa aychampi, ajinallatataj qankunapis ñak'arinaykichejpaj wakichikuychej. Aychampi ñak'arejqa juchata atipanña, qhepa p'unchaykunapi ama aychaman jina kausanampaj, nitaj runakunaj munayninman jinachu. Astawanqa, Diospa munayninman jina kausaychej.

Cristoj sutinraykuchus k'amisqas kankichej chayqa, kusikuyniyoj kankichej, imaraykuchus Diospa k'anchaj Espíritun qankunapi tiyakun. [Cheqamanta, paykunaqa Diospa contranta rimanku, qankunataj payta yupaychankichej.]